Ekologiya və Təbii Sərvətlər Nazirliyi su hövzələrində bioresursların mühafizəsi istiqamətində davamlı tədbirlər həyata keçirir

Xəzər dənizinin su bioresurslarının mühafizəsinin gücləndirilməsi məqsədilə 16 oktyabr 2013-cü il tarixində Ekologiya və Təbii Sərvətlər Nazirliyinin əməkdaşları tərəfindən Xəzər dənizinin Sumqayıt istiqamətində, Corat qəsəbəsi sahillərində növbəti reyd keçirilmişdir.
Reyd zamanı dənizdən 25 ədəd qanunla qadağan olunmuş ov aləti olan xırda gözlüklü sintetik axçalı balıq torları yığılmış, sahibləri məlum olmadığından müvafiq aktın tərtibindən sonra torlar yandırılaraq məhv edilmişdir.
ETSN Xəzər dənizinin bioloji resurslarının mühafizəsi ilə bağlı reydləri davam etdirir.