“Xəzər həftəsi”nə yekun vuruldu

Ekologiya və Təbii Sərvətlər Nazirliyi tərəfindən 23”“28 sentyabr 2013-cü il tarixlərində keçirilən “Xəzər həftəsi” başa çatdı.
“Xəzər həftəsi”nin qeyd olunması məqsədilə Nazirlik tərəfindən hazırlanmış tədbirlər planına müvafiq olaraq Xəzər dənizinin Azərbaycan Respublikasına mənsub 955 kilometrlik sahil zolağında (Nabran, Sumqayıt, Bakı, Neftçala,
Lənkəran şəhər və rayonlarının ərazilərində) vətəndaşların, yerli icra strukturlarının, qeyri-hökumət təşkilatlarının, təhsil müəssisələrinin nümayəndələrinin və şagirdlərin iştirakı ilə iməciliklər keçirilmiş, məişət və sənaye tullantıları yığılaraq zibil poliqonuna daşınmışdır. Eyni zamanda, orta təhsil müəssisələrində lektoriyalar təşkil edilmiş, idarə və müəssisələrdə Xəzər dənizinin bioresurslarının mühafizəsinin vacibliyi barədə mühazirələr oxunmuş və dəyirmi masalar təşkil olunmuşdur. Keçirilən tədbirlərdə Ekologiya və Təbii Sərvətlər Nazirliyinin mütəxəssisləri tərəfindən ictimaiyyətə su hövzələrinin zənginliyi barədə məlumatlar verilmiş, həmçinin hər bir sakinə bu resursların qorunmasının vacibliyi təbliğ edilmişdir.
Bununla da, “Beynəlxalq Dəniz Günü” ilə əlaqədar Nazirlik tərəfindən keçirilən “Xəzər həftəsi” nə yekun vurulmuşdur.