Regionlarda ətraf mühitin mühafizəsi sahəsində maarifləndirici tədbirlər davam edir

Regionlarda yaşayan əhalinin ekoloji məsuliyyət hissinin artırılması, təbiətin qorunması ilə bağlı bilik və bacarıqların inkişaf etdirilməsi, xüsusən də gənc nəsildə davamlı həyat tərzi vərdişlərinin formalaşdırılması məqsədilə Regional Ekologiya və Təbii Sərvətlər İdarələrinin əməkdaşları tərəfindən mütəmadi olaraq maarifləndirici görüşlər keçirilir.

Görüşlər zamanı mütəxəssislər tərəfindən Tərtər şəhər İ.Məmmədov adına 2 nömrəli məktəb-liseyin, Tərtər rayonu Şıxarx kənd S.Quliyev adına 2 nömrəli tam orta məktəbin, Sumqayıt şəhər 8 saylı və 34 saylı tam orta məktəblərin, Tovuz rayon Əyyublu kənd məktəbin, Ağcabədi şəhər 11 nömrəli tam orta məktəbin, Ağcabədi rayonu N.Gəncəvi adına Avşar kənd 1 nömrəli tam orta məktəbin şagirdlərinə ətraf mühitin mühafizəsi, tullantıların düzgün idarə olunması, resurslara qənaət və s. istiqamətlərdə ətraflı məlumatlar verilib, müzakirə olunan mövzular ətrafında verilən suallar cavablandırılıb.