Regionlarda ətraf mühitin mühafizəsi sahəsində maarifləndirici tədbirlər davam edir

“Yaşıl dünya naminə həmrəylik ili” çərçivəsində regionlarda yaşayan əhalinin ətraf mühitin mühafizəsi sahəsində məlumatlılığını və bu sahəyə olan məsuliyyətini artırmaq məqsədilə Regional Ekologiya və Təbii Sərvətlər İdarələrinin əməkdaşları tərəfindən mütəmadi olaraq maarifləndirici görüşlər keçirilir.

Növbəti görüşlər zamanı mütəxəssislər tərəfindən Xaçmaz rayonu Şimali kənd orta məktəbin, Gəncə şəhəri M.Hadi adına 10 nömrəli tam orta məktəbin, Gəncə şəhəri V. Əliyev adına 12 nömrəli tam orta məktəbin şagirdlərinə, Sumqayıt şəhər 1 nömrəli Uşaq Gənclər İnkişaf Mərkəzinin üzvlərinə ətraf mühitin mühafizəsi, iqlim dəyişmələrinə qarşı görülən tədbirlər və s. sahələrdə ətraflı məlumatlar verilib, müzakirə olunan mövzular ətrafında verilən suallar cavablandırılıb.