Xəbərlər

Birləşmiş Millətlər Təşkilatının Baş Assambleyası tərəfindən 20 sentyabr tarixi “Ümumdünya Təmizlik Günü” elan edilib.

20 Sentyabr 2024, 15:25

Ümumdünya Təmizlik Günü təmiz və sağlam ətraf mühitin qorunması və saxlanması, eləcə də tullantıların və resursların idarə edilməsində paylaşdığımız kollektiv məsuliyyətin bir xatırlatmasıdır.

Ölkəmizdə də bu sahədə kütləvi maarifləndirmə tədbirləri həyata keçirilir. Ümumrespublika Təmizlik Marafonu çərçivəsində həftədə 2 dəfə ölkə ərazisinin dəniz, çay sahillərində, meşə ərazilərində "Təmiz Ölkəm" devizi altında genişmiqyaslı təmizlik aksiyaları təşkil olunur. Bu il may ayından start verilən aksiyalar çərçivəsində dövlət və özəl qurumların, vətəndaş cəmiyyəti institutlarının, gənclərin, könüllülərin iştirakı ilə bugünədək 110 423 kiloqram tullantı toplanaraq ərazilərdən daşınıb.