Yanğın hadisəsi baş verib

07 yanvar 2015-ci il tarixində saat 15 radələrində Şahdağ Milli Parkının Qəbələ bölməsinin Qəmərvan kəndi ilə sərhəddində, hərbi postun yaxınlığında naməlum səbəblərdən yanğın hadisəsi baş verib.
Dərhal əraziyə cəlb olunmuş Milli Parkın əməkdaşlarının və Fövqəladə Hallar Nazirliyinin Qəbələ rayon yanğından mühafizə dəstələrinin səyləri nəticəsində saat 18 radələrində yanğın tam söndürülüb.
Yanğın nəticəsində Milli Parkın 0,5 hektar yüksək dağlıq sahəsində quru xəzəl örtüyü yanıb, ağac və kol bitkilərinə heç bir ziyan dəyməyib.
Yanğının hansı səbəbdən baş verməsinin müəyyənləşdirilməsi üçün aidiyyəti üzrə müraciət olunub.