"Türk dövlətləri milli ağaclandırma günü" münasibətilə Samux rayonunda da ağacəkmə aksiyası təşkil edilib

Noyabr ayının 11-də Samux Rayon İcra Hakimiyyətinin təşəbbüsü ilə Samux-Kür yolu ərazisində ağacəkmə askiyası keçirilib.

Samux Rayon İcra Hakimiyyətinin başçısının, Türkiyənin Gəncədəki baş konsulunun, 14 saylı Regional Meşə Təsərrüfatı Mərkəzinin, Gənclər və İdman İdarəsinin, hüquq-mühafizə orqanlarının əməkdaşlarının və şəhid ailələrinin iştirakı ilə keçirilən ağacəkmə aksiyasında 2 hektar sahədə yerli iqlim şəraitinə uyğun 1111 ədəd Eldar şamı əkilib.