“Təmiz ölkəm” aksiyası çəçivəsində növbəti aksiya keçirilib

23 sentyabr tarixində Ekologiya və Təbii Sərvətlər Nazirliyinin, “Azərsun Holding” MMC-nin “Zeytun bağları” markasının əməkdaşlarının, yerli icra və bələdiyyənin nümayəndələrinin, ekokönüllülərin iştirakı ilə Xəzər dənizinin Novxanı sahilində təmizlik aksiyası keçirilib.

100-dən artıq nümayəndənin iştirakı ilə keçirilən aksiya çərçivəsində sahil zolağı ərazi 1 tondan artıq tullantıdan təmizlənib.

4 aydan artıq müddətdir ki, davam edən “Təmiz ölkəm” aksiyasına töhfə verən bütün tərəfdaşlara, dövlət və özəl sektorun əməkdaşlarına, yerli icra hakimiyyətləri orqanlarının nümayəndələrinə, vətəndaşlara, könüllülərə təşəkkürümüzü bildirir, ətraf mühitə qarşı göstərdikləri diqqətə görə minnətdarlığımızı bildiririk.