Növbəti “Tullantıları ekoçantaya dəyiş” aksiyası Şüvəlanda keçirilib

Ekologiya və Təbii Sərvətlər Nazirliyi və “Araz” supermarketlər şəbəkəsinin birgə təşkilatçılığı ilə növbəti “Tullantıları ekoçantaya dəyiş” aksiyası Araz Şüvəlan supermarketin qarşısında keçirilib.

Aksiya zamanı vətəndaşlar ümumi tutumu 570 litr olan plastik butulka, 25 litr tutumu olan şüşə butulka və 10 ədəd işlənmiş batareya təhvil verərək əvəzində ekoçanta əldə ediblər.

Əhali arasında tullantıların çeşidlənməsinin önəmini vurğulamaq, təkrar emala dəstək olmaq məqsədilə keçirilən belə aksiyalarda fəal iştirak edən bütün vətəndaşlara təşəkkür edir, polietilen torbalar əvəzinə ekoçantalardan istifadəyə etməyə çağırırıq.