Meşə ərazilərində keçirilən təmizlik aksiyaları bu həftə də davam edib

Bu gün Lənkəran rayonunun Osaküçə, Tovuz rayonunun Kirən, Sabirabad rayonunun Sabirabad, Xızı rayonunun Giləzi, Xaçmaz rayonunun Xudat, İsmayıllı rayonunun Qalınçaq, Şəki rayonunun Layısqı, Zaqatala rayonunun Əliabad, İmişli rayonunun 6 saylı, Göygöl rayonunun Hacıkənd, Masallı rayonunun Masallı, Bərdə rayonunun Soltanbud-2, Şəmkir rayonunun Şəmkir və Oğuz rayonunun Oğuz meşəbəyliklərində təmizlik aksiyaları keçirilib.

Ekologiya və Təbii Sərvətlər, Gənclər və İdman nazirliklərinin regional bölmələrinin, Meliorasiya və Su Təsərrüfatı ASC-nin regional suvarma idarələrinin, Rayon İcra Hakimiyyəti orqanlarının, yerli icra hakimiyyəti orqanlarının əməkdaşlarının və rayon sakinlərinin iştirakı ilə keçirilən aksiyalar zamanı ümumilikdə 2.6 tondan artıq müxtəlif növ tullantı yığılaraq ərazilərdən daşınıb.

Hər kəsi vətəndaş olaraq öz məsuliyyətlərini dərk etməyə, təbiətimizə qayğıyla yanaşmağa və onu təmiz saxlamağa dəvət edirik.

Gəlin gələcək nəsillərə sağlam həyat, təmiz ətraf mühit bəxş edək!