Ümumrespublika təmizlik aksiyaları davam edir

Bu gün “Təmiz ölkəm” aksiyası çərçivəsində Abşeron rayonunun Duz gölü ətrafında, Tərtərçayın Bərdə rayonu, Gəncəçayın Gəncə şəhəri və Kür çayının Mingəçevir şəhəri ərazisindən keçən hissələrində təmizlik aksiyaları keçirilib.

Nazirliyin regional bölmələrinin, yerli icra orqanlarının, yerli Mənzil-Kommunal Təsərrüfatı və İstehsalat Birliyinin əməkdaşlarının, sakinlərin və könüllülərin iştirakı ilə keçirilən iməciliklər zamanı, ümumilikdə 3.5 tondan artıq tullantı təmizlənərək daşınıb.

Aksiyalara qoşularaq dəstək verən Dövlət Aqrar İnkişaf Mərkəzinin, Bərdə Suvarma Sistemləri İdarəsinin, Bərdə Gənclər Təşkilatının nümayəndələrinə, Bərdə Dövlət İdarəetmə və Texnologiya Kollecinin tələbələrinə və Abşeron rayon könüllülərinə təşəkkür edirik.

Hər kəsi məsuliyyətini dərk edərək ətraf mühiti təmiz saxlamağa, əraziləri çirkləndirmədən, təmiz istifadə etmək vərdişinə yiyələnməyə çağırırıq.