Xəzərin Hövsan sahili tullantılardan təmizlənib

İki aydan artıq müddətdir ki, davam edən təmizlik aksiyaları bu gün Xəzər dənizinin Hövsan sahilində də keçirilib.

Ekologiya və Təbii Sərvətlər Nazirliyinin, Suraxanı Rayon İcra Hakimiyyətinin, Suraxanı Rayon Mənzil Kommunal Təsərrüfatı Birliyinin, bələdiyyələrin nümayəndələrinin, "Nargis" jurnalının əməkdaşlarının, “EcoHub” təşəbbüs qrupunun və könüllülərin iştirakı ilə keçirilən aksiya zamanı 5 hektar sahil zolağı 450 kiloqramdan artıq tullantıdan təmizlənib.

Aksiyalarda iştirak edərək ətraf mühitin mühafizəsinə dəstək olan bütün iştirakçılara təşəkkür edir, vətəndaşlardan xahiş edirik ki, sahil zonalarında, yaşıllıq ərazilərdə istirahət edərkən təmizliyə riayət etsinlər, ətraf mühiti tullantılarla çirkləndirməsinlər.