“Təmiz ölkəm” aksiyası çərçivəsində meşə əraziləri tullantılardan təmizlənib

22 iyul tarixində Lerik rayonunun Gürdəsər, Tovuz rayonunun Yanıqlı, Sabirabad rayonunun Şirvan, Şabran rayonunun Dənizkənarı, Qusar rayonunun Qusar, İsmayıllı rayonunun Qalınçaq, Şəki rayonunun Göynük, Ağcabədi rayonunun 1 saylı, Balakən rayonunun Qabaqçöl, Göygöl rayonunun Hacıkənd, Masallı rayonunun Masallı, Bərdə rayonunun Aslan-Əyricə, Gədəbəy rayonunun Qızılca və Qəbələ rayonun Yenikənd meşəbəyliyiklərində təmizlik aksiyaları keçirilib.

Nazirliyin regional bölmələrinin, yerli icra orqanlarının əməkdaşlarının, yerli Mənzil-Kommunal Təsərrüfatı və İstehsalat Birliyinin nümayəndələrinin, sakinlərin iştirakı ilə keçirilən aksiyalar zamanı ümumilikdə 4.5 tondan artıq müxtəlif növ tullantı yığılaraq ərazilərdən daşınıb.

Bütün vətəndaşlara çağırış edirik ki, meşə ərazilərində istirahət edərkən tullantıları ətrafa atmasınlar, isti yay günlərində kiçik bir şüşə parçasının, siqaret kötüyünün və digər tullantıların böyük yanğınlara səbəb ola biləcəyinin fərqində olsunlar. Gəlin ətraf mühitimizi birgə qoruyaq.