Novxanıda “Şüşə tullantıları ekoçantaya dəyiş” aksiyası keçirilib

9 iyul tarixində Ekologiya və Təbii Sərvətlər Nazirliyi və “Grandmart” marketlər şəbəkəsinin birgə təşkilatçılığı ilə Novxanı qəsəbəsində Grandmart marketin qarşısında “Şüşə tullantıları ekoçantaya dəyiş” aksiyası keçirilib.

Aksiya zamanı şüşə tullantıları təhvil verən vətəndaşlara ekoçanta təqdim olunub. Aksiyada iştirak edən uşaqlara isə kitablar hədiyyə edilib.

Tullantıları çeşidləyib təhvil verməklə təkrar emala dəstək olan bütün vətəndaşlara təşəkkür edirik.

Hər kəsi aksiyalarda fəal iştirak etməyə, polietilen paketlərdən istifadəni azaltmağa, ekoloji cəhətdən təmiz çantalardan istifadə etməyə çağırırıq.

Növbəti aksiyaların keçiriləcəyi ərazi və tarix barədə elan öncədən Nazirliyin saytında (eco.gov.az) və sosial şəbəkə hesablarında paylaşılacaq.