Meşə əraziləri tullantılardan təmizlənib

Bu gün 9 saylı Regional Meşə Təsərrüfatı Mərkəzinin 6 və 7 saylı meşəbəyliklərində, 11 saylı Regional Meşə Təsərrüfatı Mərkəzinin Masallı meşəbəyliyində, 3 saylı Regional Meşə Təsərrüfatı Mərkəzinin Salyan və Şirvan meşəbəyliyində, 1 saylı Regional Meşə Təsərrüfatı Mərkəzinin Vizəzəmin meşəbəyliyində, 13 saylı Regional Meşə Təsərrüfatı Mərkəzinin Bıçaqçı meşəbəyliyində, 14 saylı Regional Meşə Təsərrüfatı Mərkəzinin Saratovka və Dəstəfur meşəbəyliklərində, 10 saylı Regional Meşə Təsərrüfatı Mərkəzinin Zurnabad və Goranboy meşəbəyliklərində, 2 saylı Regional Meşə Təsərrüfatı Mərkəzinin Soyuqbulaq meşəbəyliyində, 6 saylı Regional Meşə Təsərrüfatı Mərkəzinin Girdiman meşəbəyliyində, 8 saylı Regional Meşə Təsərrüfatı Mərkəzinin Kortala meşəbəyliyində və 7 saylı Regional Meşə Təsərrüfatı Mərkəzinin Layısqı meşəbəyliyində təmizlik aksiyaları keçirilib.

Nazirliyin regional bölmələrinin, yerli icra orqanlarının əməkdaşlarının, sakinlərin iştirakı ilə keçirilən aksiyalar zamanı, ümumilikdə, 2 tondan artıq müxtəlif növ tullantı yığılaraq ərazilərdən daşınıb.

Hər kəsi təbiət qoynunda dincələrkən təmizliyə riayət etməyə, atılan hər bir tullantının böyük yanğınlara səbəb ola biləcəyinin fərqində olmağa, ətraf mühiti birgə qorumağa çağırırıq.