“Təmiz ölkəm” aksiyası çərçivəsində Xudat meşə ərazisində iməcilik keçirilib.

Bu gün Quba Regional Meşə Təsərrüfatı Mərkəzinin Xudat meşəbəyliyində təmizlik aksiyası keçirilib.

Nazirliyin regional bölmələrinin, yerli icra orqanlarının əməkdaşlarının, sakinlərin, könüllülərin iştirakı ilə keçirilən aksiya zamanı 5 ha ərazidən ümumilikdə 2 tona yaxın müxtəlif növ tullantı yığılaraq daşınıb.

Hər kəsi təbiət qoynunda dincələrkən təmizliyə riayət etməyə, atılan hər bir tullantının böyük yanğınlara səbəb ola biləcəyinin fərqində olmağa, ətraf mühiti birgə qorumağa çağırırıq.