Ümumrespublika təmizlik aksiyaları davam edir

Bu gün Ağcabədi Regional Meşə Təsərrüfatı Mərkəzinin 2 və 6 saylı meşəbəyliklərində, Masallı Regional Meşə Təsərrüfatı Mərkəzinin Qəriblər və Yeyənkənd meşəbəyliklərində, Sabirabad Regional Meşə Təsərrüfatı Mərkəzinin Şirvan meşəbəyliyində, Qəbələ Regional Meşə Təsərrüfatı Mərkəzinin Daşağıl meşəbəyliyində, Lənkəran Regional Meşə Təsərrüfatı Mərkəzinin Osaküçə meşəbəyliyində, Bərdə Regional Meşə Təsərrüfatı Mərkəzinin Soltanbud və Oğlanbaba meşəbəyliklərində, Şəmkir Regional Meşə Təsərrüfatı Mərkəzinin Samux və Qalakənd meşəbəyliklərində, Göygöl Regional Meşə Təsərrüfatı Mərkəzinin Hacıkənd və Yeni Ağcakənd meşəbəyliklərində, Şəki Regional Meşə Təsərrüfatı Mərkəzinin Göynük meşəbəyliyində, Quba Regional Meşə Təsərrüfatı Mərkəzinin Xudat meşəbəyliyində təmizlik aksiyaları keçirilib.

Nazirliyin regional bölmələrinin, yerli icra orqanlarının əməkdaşlarının, sakinlərin iştirakı ilə keçirilən aksiyalar zamanı ümumilikdə 3 700 kq-dan artıq müxtəlif növ tullantı yığılaraq ərazilərdən daşınıb.

Hər kəsi təbiət qoynunda dincələrkən təmizliyə riayət etməyə, atılan hər bir tullantının böyük yanğınlara səbəb ola biləcəyinin fərqində olmağa, ətraf mühiti birgə qorumağa çağırırıq.