“Batareyaları təhvil ver, təbiəti qoru” layihəsi çərçivəsində növbəti dəfə məntəqələrdən işlənmiş batareyalar təhvil alınıb

“BRAVO” marketlər şəbəkəsinin 28 Mall, Gənclik Mall və Əhmədli filiallarından ümumilikdə 57 kq işlənmiş batareya toplanılaraq "Təhlükəli Tullantılar" MMC-yə təhvil verilib.

ETSN və “Qırmızı Ürəklər” Fondu tərəfindən start verilmiş layihə çərçivəsində cari il ərzində 334 kq işlənmiş batareya toplanıb.

Bu layihə ətraf mühitin mühafizəsi, insanların sağlamlığının qorunması, işlənmiş batareya tullantılarının zərərli təsirlərinin qarşısının alınması və səmərəli idarə olunması cəhətdən olduqca vacibdir və maarifləndirici məqsəd daşıyır.

Layihə ərzində işlənmiş batareyaları məntəqələrə təhvil verən bütün vətəndaşlara təşəkkürümüzü bildirir, hər kəsi təhlükəli və istifadəyə yararsız batareyaların məişət tullantılarına qarışdırılmasına yol verməməyə və batareyalar üçün ayrılan xüsusi qutulardan istifadə etməyə çağırırıq.