“Təmiz ölkəm” aksiyası çərçivəsində aksiyalar davam edir

Ekologiya və Təbii Sərvətlər Nazirliyinin təşkilatçılığı, yerli icra hakimiyyətləri orqanlarının, bələdiyyələrin, tərəfdaş qurumların, könüllülərin və yerli sakinlərin iştirakı ilə bir aydan artıq müddətdir ki, ümumrespublika təmizlik aksiyaları keçirilir.

Həftə sonları keçirilən və mövsüm sonunadək davam edəcək aksiyalar çərçivəsində çay kənarı ərazilər, su anbarlarının ətrafı, meşələr, dəniz sahilləri və digər ərazilər müxtəlif növ tullantılardan təmizlənir.

Əziz izləyicilər, sizlərdən də tullantılarla çirklənmiş ərazilər ilə qarşılaşdıqda ərazinin dəqiq yeri göstərilməklə Nazirliyin rəsmi sosial şəbəkə hesablarına məlumat verməyiniz xahiş olunur. Həmin ərazilərdə də aksiyalar təşkil olunacaq.

Ətrafı tullantılarla çirkləndirənlərə qarşı ictima qınağın effektiv rolunu nəzərə alaraq hər kəsi ətraf mühitin qorunmasında birgə mübarizəyə çağırırıq.