“Yanğın təhlükəsizliyi” mövzusunda növbəti maarifləndirici təlimlər keçirilib

Təbiət ərazilərində yanğınların qarşısının alınması məqsədilə Ekologiya və Təbii Sərvətlər Nazirliyinin və Fövqəladə Hallar Nazirliyinin regional bölmələrinin əməkdaşlarının iştirakı ilə Lənkəran rayonunun meşə ərazisində və Şahdağ Milli Parkının İsmayıllı bölməsində “Yanğın təhlükəsizliyi” mövzusunda təlimlər keçirilib.

Təlimlərdə meşə və yaşıllıq ərazilərdə baş verə biləcək yanğın hadisələrinə qarşı profilaktik tədbirlərin səmərəliliyinin artırılması, yanğınların qarşısının vaxtında alınması sahəsində birgə əməkdaşlığın daha da genişləndirilməsinin əhəmiyyəti müzakirə edilib.

Sonda mövzu ətrafında fikir mübadiləsi aparılıb, tədbir iştirakçılarını maraqlandıran suallar cavablandırılıb.