Ümumrespublika təmizlik aksiyaları davam edir

Bu gün Bərdə Regional Meşə Təsərrüfatı Mərkəzinin Cırdaxan meşəbəyliyində, Zaqatala Regional Meşə Təsərrüfatı Mərkəzinin Əliabad meşəbəyliyində və Göygöl Regional Meşə Təsərrüfatı Mərkəzinin Hacıkənd meşəbəyliyində təmizlik aksiyaları keçirilib.

Nazirliyin regional bölmələrinin, yerli icra orqanlarının əməkdaşlarının, sakinlərin iştirakı ilə keçirilən aksiyalar zamanı ümumilikdə 1.5 tona yaxın müxtəlif növ tullantı yığılaraq ərazilərdən daşınıb.

Hər kəsi təbiət qoynunda dincələrkən təmizliyə riayət etməyə, atılan hər bir tullantının böyük yanğınlara səbəb ola biləcəyinin fərqində olmağa, ətraf mühiti birgə qorumağa çağırırıq.