Növbəti “Tullantıları ekoçantaya dəyiş” aksiyası keçirilib

Ekologiya və Təbii Sərvətlər Nazirliyi və “Neptun” marketlər şəbəkəsinin birgə təşkilatçılığı ilə “Memar Əcəmi” m/s yaxınlığındakı Neptun marketin qarşısında “Tullantıları ekoçantaya dəyiş” aksiyası keçirilib.

Aksiya zamanı ümumi tutumu 860 litr olan plastik, 75 litr tutumu olan şüşə tullantı və 14 ədəd işlənmiş batareya təhvil verilib və əvəzində iştirakçılara ekoçanta təqdim olunub.

Sosial şəbəkə izləyicilərimizdən Fatimə xanıma 700 litrdən artıq tullantı təhvil verərək aksiyaya töhfəsini verdiyi üçün təşəkkür edirik.

Hər kəsi aksiyalarda fəal iştirak etməyə, tullantıların təkrar emalına dəstək olmağa, polietilen paketlərdən istifadəni azaltmağa, ekoloji cəhətdən təmiz çantalardan istifadə etməyə çağırırıq.

Qeyd edək ki, “Tullantıları ekoçantaya dəyiş” aksiyası mövsüm boyu davam edəcək və növbəti aksiyaların keçiriləcəyi ərazi və tarix barədə elan öncədən Nazirliyin saytında (eco.gov.az) və sosial şəbəkə hesablarında paylaşılacaq.