Ümumrespublika təmizlik aksiyaları zamanı Xəzərin Sumqayıt, Neftçala və Lənkəran sahilləri təmizlənib

Növbəti təmizlik aksiyaları Xəzər dənizinin Sumqayıt, Neftçala və Lənkəran akvatoriyalarında keçirilib.

Ümumilikdə 350 nəfərdən artıq vətəndaşın, tərəfdaş qurumların dəstəyi ilə keçirilən aksiyalarda ərazilərdən 2 tona yaxın müxtəlif növ tullantı toplanaraq daşınıb.

Təmizlik aksiyalarının keçirilməsində məqsəd ictimaiyyətin dəstəyi ilə dəniz ətraf mühitinin mühafizəsinə, Xəzərin biomüxtəlifliyinin qorunmasına nail olmaqdır.

Hər kəsi məsuliyyətini dərk edərək ətraf mühiti təmiz saxlamağa, çimərlikləri çirkləndirmədən, təmiz istifadə etmək vərdişinə yiyələnməyə çağırırıq.