“Bir damcı” kampaniyası çərçivəsində "LANDAU School"da maarifləndirici təlim keçirilib

Ölkə əhalisinin diqqətini sudan səmərəli istifadə vərdişlərinə yönəldən “Bir damcı” kampaniyası çərçivəsində paytaxt və ətraf qəsəbələrdə yerləşən ümumtəhsil məktəblərində maarifləndirici təlimlər keçirilir.

Növbəti görüş "LANDAU School"un 5-ci sinif şagirdləri ilə keçirilib.

Layihə təşkilatçıları tərəfindən şagirdlərə sudan qənaətlə istifadənin vacibliyi barədə təqdimatlar edilib, onlara sudan düzgün istifadənin əhəmiyyəti barədə biliklər toplusu olan “Bir Damcı” kitabı və müxtəlif hədiyyələr təqdim olunub.

Qeyd edək ki, layihənin təşkilatçıları Ekologiya və Təbii Sərvətlər Nazirliyi, IDEA İctimai Birliyi və Su Ehtiyatları Agentliyidir.