Ölkəmizdə xüsusi mühafizə olunan təbiət ərazilərinin daha da tanıdılması məqsədilə maarifləndirici tədbirlər keçirilib.

Astara Pedaqoji Kollecinin tələbələri Hirkan Milli Parkına, Bakı Dövlət Universitetinin müəllim və tələbə heyəti isə Qızılağac Milli Parkına səfər edib, mütəxəssislər tərəfindən onlara xüsusi mühafizə olunan təbiət ərazilərinin zəngin biomüxtəlifliyi və ekoturizm potensialı, biomüxtəlifliyin mühafizəsi istiqamətində keçirilən tədbirlər barədə ətraflı məlumatlar verilib.

Eyni zamanda, Altıağac Milli Parkının əməkdaşları tərəfindən Xızı rayon Xələnc kənd ümumi orta məktəbində tədbir keçirilib, uşaqlara xüsusi mühafizə olunan təbiət ərazilərinin əhəmiyyətindən, biomüxtəlifliyin qorunmasının aktuallığından, bu istiqamətdə görülən işlərdən bəhs edilib.