Tələbələr Milli Hidrometeorologiya Xidmətinin şimal-şərq regional mərkəzi ilə tanış olub

Azərbaycan Dövlət Pedoqoji Universitetinin Quba filialının Coğrafiya ixtisası üzrə təhsil alan tələbələri ilə Mİlli Hidrometeorologiya Xidmətinin şimal-şərq regional mərkəzində görüş keçirilib.

Tələbələrə Quba aqrometeoroloji stansiyasının meteoroloji meydançasındakı cihazlar və müşahidələrin aparılması qaydası, bu sahənin əhəmiyyəti, meteoroloji müşahidələrin beynəlxalq və regional informasiya mübadiləsinə təqdim edilməsi haqqında ətraflı məlumatlar verilib.