“Tullantıları ekoçantaya dəyiş” aksiyası zamanı ümumi tutumu 306 litr olan plastik, 76 litr şüşə tullantı, 87 ədəd isə işlənmiş batareya təhvil verilib

Ekologiya və Təbii Sərvətlər Nazirliyi və “Neptun” marketlər şəbəkəsinin birgə təşkilatçılığı ilə “Həzi Aslanov” m/s yaxınlığındakı Neptun marketin qarşısında “Tullantıları ekoçantaya dəyiş” aksiyası keçirilib.

Vətəndaşların marağını və diqqətini çəkən bu aksiya zamanı ümumi tutumu 306 litr olan plastik, 76 litr tutumu olan şüşə tullantı və 87 ədəd işlənmiş batareya təhvil verilib və əvəzində iştirakçılara ekoçanta təqdim olunub .

Hər kəsi aksiyada fəal iştirak etməyə, tullantıların təkrar emalına dəstək olmağa, polietilen paketlərdən istifadəni azaltmağa, ekoloji cəhətdən təmiz çantalardan istifadə etməyə çağırırıq.

Qeyd edək ki, “Tullantıları ekoçantaya dəyiş” aksiyası mövsüm boyu davam edəcək və növbəti aksiyaların keçiriləcəyi ərazi və tarix barədə elan öncədən Nazirliyin saytında (eco.gov.az) və sosial şəbəkə hesablarında paylaşılacaq.