"Beynəlxalq köçəri quşlar günü" ilə əlaqədar Şirvan və Ağgöl Milli Parklarında tədbirlər keçirilib

"Beynəlxalq köçəri quşlar günü" ilə əlaqədar Salyan rayonu Kürqaraqaşlı kənd orta məktəbinin şagirdləri Şirvan Milli Parkını ziyarət ediblər.

Şagirdlər milli parkın ərazisində teleskopla quşları müşahidə edib, mütəxəssislərlə quşların növ tərkibi, sayı, sayğısının metodikası, su-bataqlıq ekosisteminin vəziyyəti ətrafında müzakirələr aparıblar.

Eyni zamanda, Ağgöl Milli Parkında da ziyarətçilər quşları müşahidə edərək zövq alıblar.

Qeyd edək ki, Beynəlxalq Köçəri Quşlar Gününün keçirilməsində məqsəd dünya ölkələrinin diqqətini köçəri quşların köçü zamanı onların sərbəstliyini və təhlükəsizliyini təmin etməyə cəlb etməkdir.