“Batareyaları təhvil ver, təbiəti qoru” layihəsi çərçivəsində bu gün 34 kq işlənmiş batareya təhvil alınıb

“Batareyaları təhvil ver, təbiəti qoru” layihəsi çərçivəsində bu gün “Araz” marketlər şəbəkəsinin Statistika filialından, "Bravo" marketlər şəbəkəsinin Koroğlu və 20 Yanvar filiallarından ümumilikdə 34 kq işlənmiş batareya toplanılaraq "Təhlükəli Tullantılar" MMC-yə təhvil verilib.

Hazırda müxtəlif dövlət qurumlarında, şirkətlərdə, marketlər şəbəkələrində, ali və orta ixtisas təhsil müəssisələrində, banklarda və otellərdə təhvil qutuları yerləşdirilərək layihəyə dəstək verilir.

Cari il ərzində hal-hazıradək 277 kq batareya toplanılıb. Bu prosesə töhfə verən bütün tərəfdaşlara və vətəndaşlara təşəkkür edirik. Hər kəsi tullantıların çeşidlənməsi qaydalarına riayət etməyə, təhlükəli və istifadəyə yararsız olan batareyaların məişət tullantılarına qarışdırılmasına yol verməməyə və batareyalar üçün ayrılan xüsusi qutulardan istifadə etməyə çağırırıq.