Cari ilin 4 ayı ərzində 30459 metr uzunluğunda 637 ədəd sintetik tor aşkar edilərək götürülüb

Ötən ilin analoji dövründə isə19352 metr uzunluğunda 375 ədəd sintetik tor yığışdırılıb. Bu isə ötən illə müqayisədə 11107 metr uzunluğunda 262 ədəd daha çox sintetik tor deməkdir.

Keçirilən reydlər və nəzarət tədbirləri ilə yanaşı 27 mart tarixindən start verilən “Hövzələri sintetik torlardan birlikdə təmizləyək” aksiyası çərçivəsində vətəndaşların fəallığı da xüsusi qeyd olunmalıdır. Belə ki, istər sosial şəbəkələr, istərsə də Nazirliyin “168 Çağrı Mərkəzi” vasitəsilə 42 müraciət daxil olub və hər biri araşdırılaraq tədbir görülüb.

Bu aksiyada fəallıq nümayiş etdirən və su hövzələrində rast gəldikləri sintetik torlar barədə Nazirliyə məlumat verən bütün təbiətsevər vətəndaşlarımıza bir daha təşəkkür edirik.

Qeyd edək ki, son 3 il ərzində Nazirliyin aidiyyəti qurumları tərəfindən su hövzələrindən ümumilikdə 182459 metr uzunluğunda 3236 ədəd sintetik tor yığışdırılaraq zərərsizləşdirilib.