Azərbaycan Dövlət İqtisad Universitetinin müəllim və tələbələrinin iştirakı ilə Altıağac Milli Parkına ekotur təşkil edilib.

Ekotur zamanı tələbələrə Bioloji Müxtəlifliyin Qorunması Xidmətinin əməkdaşları tərəfindən xüsusi mühafizə olunan təbiət ərazilərinin əhəmiyyəti, milli parklardakı vəhşi fauna və yabanı flora növləri haqqında məlumatlar verilib, vəhşi təbiətin mühafizəsi istiqamətində müzakirələr aparılıb.

Eyni zamanda, iştirakçılar Altıağac Milli Parkının nəzdində Vəhşi Təbiətin Bərpası Mərkəzi və Reabilitasiya Klinikası ilə tanış olublar.

Sonda biomüxtəlifliyin qorunmasının aktuallığından, bu istiqamətdə görülən işlərdən bəhs edilib, gənclərin ekoloji maarifləndirilməsinin önəmi vurğulanıb və ekotur iştirakçılarını maraqlandıran suallar cavablandırılıb.