Ekoloji Bilik Günü ilə əlaqədar Şirvan Milli Parkında uşaqlar üçün maarifləndirici tədbir keçirilib.

150-dən artıq müxtəlif yaş kateqoriyasını əhatə edən məktəblinin qatıldığı tədbirdə uşaqlar üçün viktorina, rəsm müsabiqəsi təşkil olunub, "Forest School Azerbaijan" komandası tərəfindən onlara təlimlər keçirilib. Məktəblilərə ekoloji biliklərə dair müxtəlif kitablar hədiyyə edilib.

Eyni zamanda, uşaqlar safari tur ilə ceyranları müşahidə edib, parkın ərazisində velosiped sürüblər.

Qeyd edək ki, 1992-ci ildə Rio-de-Janeyroda keçirilən BMT-nin ətraf mühit problemlərinə həsr olunan konfransında bəşəriyyətin davamlı inkişafı üçün ekoloji təhsilin əhəmiyyəti vurğulanıb və həmin vaxtdan etibarən 15 aprel Ekoloji Bilik Günü kimi bütün dünyada qeyd olunmağa başlayıb.