"Hövzələri sintetik torlardan birlikdə təmizləyək" aksiyası çərçivəsində növbəti tədbir keçirilib

"Hövzələri sintetik torlardan birlikdə təmizləyək" şüarı ilə keçirilən aksiya çərçivəsində Xəzər dənizinin Bakı şəhəri, Lənkəran və Siyəzən rayonları akvatoriyasından və Baş Şirvan Kollektorundan 975 metr uzunluğunda 29 ədəd sintetik tor yığışdırılıb.

Ölkənin su hövzələrində nəzarət tədbirlərini intensivləşdirmək, ictimaiyyətin dəstəyi ilə balıq ehtiyatlarının mühafizəsini möhkəmləndirmək məqsədilə hər kəsi bu aksiyaya qoşulmağa çağırırıq.

Qeyd edək ki, vətəndaşlar su hövzələrində rast gəldikləri sintetik torlar barədə Nazirliyin rəsmi sosial şəbəkə hesablarının mesaj qutusuna, eləcə də, teleqram qrupuna (https://t.me/+tb9ED95-my9iOTIy) dəqiq koordinatlar göstərilməklə məlumat verərək aksiyaya dəstək ola bilərlər.