"Hövzələri sintetik torlardan birlikdə təmizləyək" aksiyası çərçivəsində torların yığışdırılmasına başlanıb

"Hövzələri sintetik torlardan birlikdə təmizləyək" şüarı ilə start verilən aksiya çərçivəsində Xəzər dənizinin Bakı, Sumqayıt şəhərləri, Lənkəran, Siyəzən və Xaçmaz rayonları akvatoriyasında, Ağstafaçay, Şəmkir su anbarlarında, Kür və Həkəri çaylarında sintetik torlar aşkar edilib.

Aksiya zamanı Dövlət Ekoloji Təhlükəsizlik Xidmətinin əməkdaşları tərəfindən sözügedən su hövzələrindən, ümumilikdə 3465 metr uzunluğunda 69 ədəd sintetik tor yığışdırılıb.

Aksiyanın həyata keçirilməsində məqsəd ölkənin su hövzələrində nəzarət tədbirlərini intensivləşdirmək, geniş ictimaiyyətin dəstəyi ilə balıq ehtiyatlarının mühafizəsi, qorunması işini möhkəmləndirmək və onların təbii populyasiyasının artmasına nail olmaqdır.