İşlənmiş batareyaların toplanması davam edir

“Batareyaları təhvil ver, təbiəti qoru” layihəsi çərçivəsində "Lankaran Springs Wellness Resort" tərəfindən 63 kq işlənmiş batareya təhvil verilərək "Təhlükəli Tullantılar" MMC-yə göndərilib.

ETSN və “Qırmızı Ürəklər” Fondu tərəfindən 2022-ci ilin may ayında start verilmiş layihə çərçivəsində bugünədək 425 kq işlənmiş batareya toplanıb.

Layihənin məqsədi insan sağlamlığına zərər verən, ətraf mühiti çirkləndirən istifadəyə yararsız elektrik batareyaların toplanaraq çeşidlənməsi və xüsusi şəraitdə zərərsizləşdirilməsidir.

Hər kəsi tullantıların çeşidlənməsi qaydalarına riayət etməyə, təhlükəli və istifadəyə yararsız batareyaların məişət tullantılarına qarışdırılmasına yol verməməyə və batareyalar üçün ayrılan xüsusi qutulardan istifadə etməyə çağırırıq.