Hər il mart ayının son şənbə günü "Yer Saatı" aksiyası həyata keçirilir.

Dünya Vəhşi Təbiət Fondu (WWF ) və tərəfdaşları tərəfindən iqlim dəyişikliyi haqqında məlumatlılığı artırmaq üçün ilk dəfə 2007-ci ildə Sidneydə simvolik olaraq işıqların söndürülməsi tədbiri kimi "Yer Saatı" keçirilib.

Hazırda bu aksiya ətraf mühit üçün dünyanın ən böyük kütləvi hərəkatlarından biridir.

"Yer Saatı" ilə əlaqədar 190-dan çox ölkə və tərəfdaş insanlar, planet üçün daha parlaq gələcək təmin etmək məqsədilə tədbirlər görür. “Yer saatı" aksiyaları zamanı böyük şəhərlərdəki məşhur binaların fasad işıqları yerli vaxtla saat 20:30-da bir saatlıq söndürülür.