Bayram tətilində Abşeron Milli Parkında bir gün

Novruz bayramı ilə əlaqədar elan olunan tətil günlərində Abşeron Milli Parkında "Kamp əyləncəsi" adlı maraqlı və rəngarəng tədbir keçirilib.

Milli Parkı ziyarət edən turistlərin, dəvətli qonaqların qatıldığı əyləncədə Zaqulba FM komandası da iştirak edib.

Komandanın təşkilatçılığı, ziyarətçilərin iştirakı ilə canlı gitar musiqisi ifa olunaraq ocaq ətrafında maraqlı söhbətlərlə əsl kamp həyəcanı yaşanıb. Bununla yanaşı, ziyarətçilər gün batımını da izləyib.

Eyni zamanda, tədbir zamanı viktorina təşkil edilib və qaliblərə hədiyyələr təqdim olunub.

Qeyd edək ki, ziyarətçilərə açıq havada yaddaqalan və əyləncəli istirahət yaşatmaq məqsədilə növbəti kamp əyləncəsinin may ayında təşkil olunması planlaşdırılır.