Göygöl Milli Parkına ekskursiya təşkil edilib.

Kiçik Qafqaz sıra dağlarının şimal-şərq yamacında yerləşən, əsrarəngiz göllərlə əhatə olunan və füsunkarlığı ilə fərqlənən Göygöl Milli Parkına ekskursiya təşkil edilib.

Göygöl Rayon Gənclər və İdman İdarəsinin təşkilatçılığı ilə baş tutan ekskursiyada Azərbaycan Aqrar Dövlət Universitetinin tələbələri və Gəncə Dövlət Regional Kollecinin şagirdləri iştirak edib. 

Ekskursiyanın əsas məqsədi milli parkın ərazisi, flora və faunası, turizm potensialı haqqında ziyarətçilərə maarifləndirici məlumatların verilməsi və ekoturizm marşrutları ilə tanışlıq olub.