“Bahar təmizliyi” - Bu bahar ətraf mühiti də təmizləyək!

Bu gün Qlobal Təkrar Emal Günüdür. Coca-Cola Azərbaycan, Ekologiya və Təbii Sərvətlər Nazirliyi və EcoHub platformasının birgə tərəfdaşlığı ilə Qlobal Təkrar Emal Günü ərəfəsində "Bu bahar ətraf mühiti də təmizləyək" şüarı ilə “Bahar təmizliyi” aksiyası keçirilir.

Aksiya çərçivəsində Dəniz Mall Ticarət Mərkəzində yerləşən toplama məntəqəsində vətəndaşlardan plastik tullantıların qəbulu həyata keçiriləcək. Qəbul məntəqəsi 21 – 25 Mart tarixləri arasında hər gün saat 11:00-dan 18:00-a kimi fəaliyyət göstərəcək. Aksiyanın sonunda daha çox yığım edən vətəndaşlara həvəsləndirici hədiyyələr təqdim olunacaq.

Siz də aksiyaya qoşulun və plastik tullantıların ətraf mühitə təsirinin azaldılmasına töhfə verin. Plastik tullantıları birlikdə toplayaq və təkrar emala verək!