“Heydər Əliyev İli” çərçivəsində növbəti ağacəkmə aksiyası keçirilib

Maliyyə və Ekologiya və Təbii Sərvətlər nazirliklərinin rəsmiləri və əməkdaşlarının, eyni zamanda könüllülərin iştirakı ilə Xocəsən qəsəbəsində Abşeron yarımadasının iqlim şəraitinə uyğun yüzlərlə ağac əkilib. Ekologiya mütəxəssislərinin iştirakı ilə əkilən hər bir ağacın küləkdən qorunması və normal böyüməsi üçün mineral gübrələrdən və digər lazımi vasitələrdən istifadə edilib, suvarma işləri görülüb.