Ekologiya və Təbii Sərvətlər Nazirliyinin komandası “Çevik 100 il” adlı ideya müsabiqəsində “Uğurlu təqdimat” nominasiyası üzrə qalib olub.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin təşkilatçılığı, “Code Academy” tədris müəssisəsinin baş sponsorluğu ilə təşkil edilən “Çevik 100 il” ideya müsabiqəsi “Heydər Əliyev ili”nə həsr olunub.

Müsabiqənin əsas məqsədi dövlət xidmətlərində yeni həllərin və düşüncə tərzinin tətbiqi, Ulu Öndərin dövlət idarəçiliyi sahəsində gördüyü işlərin təhlili nəticəsində bu sahədə yeni ideyaların gerçəkləşdirilməsidir.

Müsabiqədə Ekologiya və Təbii Sərvətlər Nazirliyinin “Murovdağ” komandası “Uğurlu təqdimat” nominasiyası üzrə qalib olub.

"Azərişıq” ASC-nin “Zəfər” komandası “Vətəndaşyönümlü həll” nominasiyası, Milli Arxiv İdarəsinin “Xan” komandası “Dayanıqlı həll” nominasiyası, Energetika Nazirliyinin “Ağdam” komandası "Səmərəli həll” nominasiyası, Vətəndaşlara Xidmət və Sosial İnnovasiyalar üzrə Dövlət Agentliyinin “Hadrut” komandası isə “İnnovativ həll” nominasiyası üzrə təltif ediliblər.