Ekologiya və Təbii Sərvətlər Nazirliyinə işə qəbul qaydaları

1. Dövlət qulluğuna işə qəbul

Nazirlikdə dövlət qulluğuna qəbul «Dövlət qulluğu haqqında» Azərbaycan Respublikası Qanununa və onun tətbiqi üçün qəbul edilmiş normativ hüquqi aktların əsasında aparılır. Ekologiya və Təbii Sərvətlər Nazirliyi sistemində dövlət qulluğu  vəzifəsinə iddia edən hər bir şəxs nazirliyin mütəxəssisləri tərəfindən tərtib edilmiş test sualları əsasında Azərbaycan Respublikasının Prezidenti Yanında Dövlət Qulluğu Məsələləri üzrə Komissiyasında qəbul imtahanlarının 1-ci mərhələsində (müsabiqə) və ikinci mərhələsində (müsahibə) iştirak edir. Hər iki mərhələni müvəffəqiyyətlə adlayan iddiaçılar Ekologiya  və  Təbii  Sərvətlər Nazirinə  təqdim olunurlar. Ekologiya və Təbii  Sərvətlər Naziri  tərəfindən seçilmiş namizədlər 1 il müddətinə müvafiq əmrə əsasən stajçı kimi boş vəzifəyə təyin edilir. Staj dövründə Nazir tərəfindən təyin edilmiş kurator stajçının işinə göz qoyur və staj müddəti qurtardıqdan sonra stajçının dövlət qulluğuna götürülməsinin məqsədəuyğunluğu barədə tövsiyyə təqdim edir. Tövsiyyə müsbət olduqda stajçı ilə əmək müqaviləsi (kontrakt) bağlanır və o altı ay sınaq müddəti ilə işə qəbul edilir. Həmin müddət qurtardıqdan sonra dövlət orqanının rəhbəri müqavilənin şərtlərinə uyğun olaraq, həmin şəxsin daimi dövlət qulluğuna qəbul edilməsi haqqında əmr verir və onunla müvafiq əmək müqaviləsi bağlanır.

2. Qeyri-dövlət qulluğuna  işə qəbul

Hər hansı qeyri-dövlət müəssisəsində vakant iş yeri olduqda işə qəbul Azərbaycan Respublikasının Əmək Məcəlləsi və başqa müvafiq normativ hüquqi aktlar əsasında aparılır. İddiaçı baxılmaq üçün aşağıda göstərilən sənədləri müvafiq müəssisənin rəhbərliyinə təqdim etməlidir:

1. Anket
2. Tərcümeyi-hal
3. Diplomun surəti (əgər varsa, başqa sertifikatların surəti)
4. Əmək kitabçasının surəti
5. Rəngli foto şəkil – 2 ədəd (4x6)
6. Hərbi biletin surəti
7. Şəxsiyyət  vəsiqəsinin surəti

Sənədlər toplanandan sonra iddiaçı həmin müəssisənin rəhbərliyi ilə söhbətdən müvəffəqiyyətlə keçdigdə, həmin şəxslə müqavilə bağlana bilər.