• Bakı
  • Gündüz +34°C,
  • Gecə +22°C
  • Sumqayıt
  • Gündüz +33°C,
  • Gecə +21°C
  • Naxçıvan
  • Gündüz +37°C,
  • Gecə +20°C
  • Xankəndi
  • Gündüz +24°C,
  • Gecə +16°C
  • Şuşa
  • Gündüz +19°C,
  • Gecə +11°C
  • Xocalı
  • Gündüz +22°C,
  • Gecə +15°C
  • Xocavənd
  • Gündüz +22°C,
  • Gecə +16°C
  • Qubadlı
  • Gündüz +23°C,
  • Gecə +16°C
  • Zəngilan
  • Gündüz +24°C,
  • Gecə +16°C
  • Laçın
  • Gündüz +19°C,
  • Gecə +11°C
  • Kəlbəcər
  • Gündüz +20°C,
  • Gecə +12°C
  • Daşkəsən
  • Gündüz +22°C,
  • Gecə +15°C
  • Gədəbəy
  • Gündüz +23°C,
  • Gecə +16°C
  • Ağdam
  • Gündüz +34°C,
  • Gecə +21°C
  • Cəbrayıl
  • Gündüz +32°C,
  • Gecə +20°C
  • Füzuli
  • Gündüz +31°C,
  • Gecə +19°C
  • Gəncə
  • Gündüz +33°C,
  • Gecə +21°C
  • Qazax
  • Gündüz +32°C,
  • Gecə +20°C
  • Naftalan
  • Gündüz +33°C,
  • Gecə +22°C
  • Şəki
  • Gündüz +34°C,
  • Gecə +22°C
  • Ağstafa
  • Gündüz +28°C,
  • Gecə +19°C
  • Qəbələ
  • Gündüz +27°C,
  • Gecə +18°C
  • Şamaxı
  • Gündüz +26°C,
  • Gecə +16°C
  • Zaqatala
  • Gündüz +29°C,
  • Gecə +20°C
  • Xızı
  • Gündüz +25°C,
  • Gecə +15°C
  • Siyəzən
  • Gündüz +29°C,
  • Gecə +19°C
  • Şabran
  • Gündüz +30°C,
  • Gecə +20°C
  • Quba
  • Gündüz +25°C,
  • Gecə +18°C
  • Qusar
  • Gündüz +26°C,
  • Gecə +16°C
  • Xaçmaz
  • Gündüz +30°C,
  • Gecə +20°C
  • Kürdəmir
  • Gündüz +37°C,
  • Gecə +22°C
  • Yevlax
  • Gündüz +37°C,
  • Gecə +22°C
  • Ağcabədi
  • Gündüz +36°C,
  • Gecə +20°C
  • Ağdaş
  • Gündüz +34°C,
  • Gecə +20°C
  • Göyçay
  • Gündüz +35°C,
  • Gecə +22°C
  • Bərdə
  • Gündüz +36°C,
  • Gecə +22°C
  • İmişli
  • Gündüz +38°C,
  • Gecə +22°C
  • Salyan
  • Gündüz +36°C,
  • Gecə +22°C
  • Beyləqan
  • Gündüz +35°C,
  • Gecə +21°C
  • Saatlı
  • Gündüz +37°C,
  • Gecə +20°C
  • Hacıqabul
  • Gündüz +37°C,
  • Gecə +23°C
  • Masallı
  • Gündüz +32°C,
  • Gecə +21°C
  • Lənkəran
  • Gündüz +31°C,
  • Gecə +21°C
  • Lerik
  • Gündüz +25°C,
  • Gecə +18°C
Saytın Xəritəsi

Görülən işlər

2016-cı il ərzində hidrometeorologiya sahəsində görülmüş işlər

 

2016-cı ildə Milli Hidrometeorologiya Departamenti Ekologiya və Təbii Sərvətlər Nazirliyi tərəfindən təsdiq edilmiş iş planı və müşahidə plan-proqramlarına uyğun olaraq respublika ərazisində, o cümlədən Xəzər dənizi akvatoriyasında meteoroloji, hidroloji, aqrometeoroloji, aktinometrik, radiometeoroloji və aeroloji müşahidələr, dəniz hidrometeoroloji, aviameteoroloji, təbii mühitin çirklənməsi üzrə (atmosfer havası, səth suları, torpaq yağıntı, radiasiya fonu) müşahidələrin fasiləsiz olaraq aparılmasını, hidrometeoroloji şəraitin öyrənilməsini, qısa və uzun müddətli hidrometeoroloji proqnozların, o cümlədən gözlənilən hidrometeoroloji xəbərdarlıqların verilməsini həyata keçirib, dövlət orqanlarına, təşkilatlara və əhaliyə hidrometeoroloji xidmət göstərib. Gündəlik proqnoz və xəbərdarlıqlar vaxtında tərtib olunaraq bülleten formasında çap edilərək əlaqədar təşkilatlara operativ şəkildə təqdim olunub.

2016-cı ilin mart ayında meteoroloji müşahidə sisteminin avtomatlaşdırılması ilə əlaqədar olaraq Finlandiyanın “VAİSALA” şirkəti ilə bağlanmış müqaviləyə əsasən 30 yeni avtomat meteoroloji stansiya alınıb və ölkə ərazisində (əsasən hidrometeoroloji stansiyalarda) quraşdırılaraq istifadəyə verilib. 

Meteoroloji müşahidə məlumatlarının ötürülməsi və paylanması (MESSİR COMM), eləcə də saxlanması və emalı (MESSİR CLİM) prosesinin modernləşdirilməsinin təmin olunması məqsədilə Fransanın “COROBOR sistems” şirkəti ilə müqavilə imzalanıb. Müqavilənin şərtlərinə uyğun olaraq, şirkət tərəfindən göndərilən lazımi cihaz və avadanlıqlar ölkəyə gətirilib, quraşdırılaraq təhvil verilib. Ötən ilin oktyabr ayında sistemin iş prinsipinin öyrədilməsi məqsədilə “COROBOR sistems” şirkətinin əməkdaşı departamentə dəvət olunaraq mütəxəssislərə bir aylıq təlim kursu keçib.

Azərbaycan Respublikası Ümumdünya Meteorologiya Təşkilatının Konvensiyasından irəli gələn öhdəliklərə uyğun olaraq 7 meteoroloji stansiyanın müddətlər üzrə sinoptik teleqramları, 6 stansiyanın dekadalıq və aylıq iqlim məlumatları beynəlxalq yayıma, 10 hidrometeoroloji stansiyanın müddətlər üzrə sinoptik teleqramları, 6 stansiyanın isə dekadalıq və aylıq iqlim məlumatları regional yayıma (Moskva) ötürülür. 14 stansiyanın müddətlər üzrə məlumatları TÜRKMETKAP vasitəsilə birbaşa məlumat mübadiləsi məqsədilə Türkiyə Respublikasının meteorologiya xidmətinə ötürülür.

İl ərzində “Operativ İnformasiya Planı”na və xidmət Plan-Sxeminə uyğun olaraq 151 təşkilat - dövlət idarəetmə orqanları, hüquq-mühafizə orqanları və digər təyinatlı dövlət strukturları proqnoz və xəbərdarlıqlarla, hidrometeoroloji, aqrometeoroloji və digər məlumatlarla təmin edilib. Eyni zamanda Qazaxıstan Respublikasının Energetika Nazirliyinin tabeliyində olan “Qazhidromet” Müəssisəsi ilə Milli Hidrometeorologiya Departamenti arasında 2016-2018-ci illərdə hidrometeoroloji informasiya mübadiləsi məqsədilə bağlanmış sazişə uyğun olaraq məlumat mübadiləsi  aparılıb. 

İl ərzində 58-i ödənişli olmaqla 281 sorğuya cavab verilib, 25 təşkilatla  hidrometeoroloji xidmət göstərilməsinə dair müqavilə bağlanılıb.

17-19 oktyabr tarixlərində departamentin əməkdaşı Tacikistan Respublikasının paytaxtı Düşənbə şəhərində keçirilmiş MDB üzv dövlətlərinin Hidrometeorologiya üzrə Dövlətlərarası Şurasının 28-ci sessiyasında və dəvət edən ölkənin milli hidrometeorologiya xidmətinin yaradılmasının 90 illiyinə həsr olunmuş konfransda iştirak edib. Azərbaycan, Belarus, Ermənistan, Qazaxıstan, Qırğızıstan, Rusiya, Özbəkistan və Tacigistanın milli hidrometeorologiya xidmətlərinin, həmçinin Rusiya Federasiyasının Prezidentinin İqlim məsələləri üzrə xüsusi müşaviri Aleksandr Bedritskinin, ÜMT-nin və MDB İcraiyə Komitəsinin nümayəndələrinin iştirak etdiyi sessiyada 2015-2016-cı illərdə MDB məkanında mülki təyyarələrin uçuşlarının meteoroloji təminatı, aviameteoroloji proqnozların keyfiyyəti, eləcə də dövlətlərin ərazisində radiasiya vəziyyətinin monitorinqi çərçivəsində informasiya mübadiləsinin tənzimlənməsi məsələləri, nəticələrin qiymətləndirilməsi üçün metodoloji yanaşmaların uyğunlaşdırılması barədə məsələlər müzakirə edilib.

“Xəzər dənizinin hidrometeorologiyası və çirklənməsi monitorinqi üzrə  Koordinasiya komitəsinin (CASPCOM) növbəti 21-ci sessiyası bu ilin 17-18 noyabr tarixlərində Bakı şəhərində keçirilib. Xəzəryanı ölkələrin nümayəndələrinin iştirakı ilə keçirilmiş tədbirdə Xəzər dənizinin hidrometeorologiyası sahəsində əməkdaşlığa dair Sazişin reallaşdırılması ilə bağlı üzv dövlətlərin hidrometeorologiya sahəsində əməkdaşlığı, məlumat mübadiləsi və s. məsələlər üzrə müzakirələr aparılıb.

Hidrometeoroloji Proqnozlar Bürosu (HPB) hesabat dövründə Azərbaycanın 7 iqlim bölgəsi üzrə ümumi sayı 750-yə yaxın yarımsutkalıq, 12500-ə yaxın sutkalıq, ikisutkalıq (sorğularla) və 12 ədəd aylıq hava proqnozu, Xəzər dənizinin 6 rayonu üzrə 4750-yə yaxın yarımsutkalıq, 7900-ə yaxın sutkalıq və ikisutkalıq (sorğu), Abşeron dəniz rayonu üzrə 57 ədəd ongünlük proqnoz, Xəzər dənizi üzrə 1022, Abşeron dəniz rayonu üzrə 201 xəbərdarlıq tərtib olunub. Xəbərdarlıqların 18-i ifrat təhlükəli, 31-i isə təhlükəli hidrometeoroloji hadisə haqqında olub. Respublika üzrə tərtib olunmuş xəbərdarlıqların ümumi sayı 115 ədəd olub, bunun 40-ı Bakı-Abşeron yarımadası üzrədir. İl ərzində Bakı və Abşeron yarımadası üzrə 135 ədəd tibbi meteoroloji proqnoz və 8 ədəd xəbərdarlıq tərtib olunub və aidiyyəti üzrə çatdırılıb. Kür və Qanıx çayları üzrə 496 sutkalıq axım proqnozu, Kür çayının aşağı hissəsində üç məntəqə (Kür-Surra, Şirvan, Salyan) üzrə iki və üç sutkalıq 680 ədəd səviyyə proqnozu, 3 çay (Kür-Qıraqkəsəmən, Qanıx- Əyriçay, Araz-Qıvraq) üzrə 36 ədəd ongünlük su sərfi proqnozu, 17 çay (Kür-Qıraqkəsəmən, Qanıx-Əyriçay, Araz-Qıvraq, Zəyəmçay-Ağbaşlar, Gəncəçay-Zurnabad, Kürəkçay-Çaykənd (Toğana), Göyçay-Göyçay, Talaçay-Zaqatala, Kişçay-Kiş, Qusarçay-Kuzun, Qudyalçay-Küpçal, Vəlvələçay-Təngəaltı, Lənkərançay-Lənkəran, Viləşçay-Şıxlar, Lənkərançay-Sifidor, Naxçıvançay-Qarababa, Cəhriçay-Payız) üzrə 12 ədəd aylıq, Kür, Araz, Qanıx çayları üzrə 4 ədəd fəsillik axım proqnozu tərtib olunub.

Azərbaycanın rayonları və Abşeron yarımadası üzrə tərtib olunmuş proqnozların özünü doğrultması 92-95, Xəzər dənizi üzrə 90-93, Abşeron dəniz rayonu üzrə 90.5-94.5, 7 iqlim bölgəsi üzrə tərtib olunmuş aylıq hava proqnozunun özünü doğrultması 86-93, Respublika üzrə verilmiş xəbərdarlıqların özünü doğrultması 90-94, çaylar üzrə tərtib olunmuş  proqnozların özünü doğrultması isə 76.0-94.7 faiz olub.

Hidrometeoroloji Müşahidə Sistemlərində İnnovasiyaların Tətbiqi Mərkəzi: Lənkəran RHM-nın Lerik, Astara, Biləsuvar, Yardımlı, Kəlvəz və Göytəpə hidrometeoroloji stansiyalarında (HMS), Neftçala İMHM-nın Neftçala, Salyan, Şirvan və Ələt HMS-da,Gəncə RHM-nın Şəmkir İGHMS, Tovuz, Daşkəsən və Göygöl (Hacıkənd) HMS-da, Şəki RHM-nın Oğuz, Sarıbaş HMS-da və Qaxbaş HM-də, Mingəçevir İGS-nın Zərdab HMS-da, Qarabağ RHM-nın Bərdə HMS-da, Quba RHM-nın Xaltan və Şabran HMS-da, İsmayıllı RHM-nın İsmayıllı, Şamaxı və Kürdəmir HMS-da,Abşeron RHM-nın Sumqayıt və Qumyataq HMS-da, Bayıl yamacında, Sabirabad RHM-nın Sabirabad HMS və Cəfərxan AqMS-da MAWS-310 tipli, Sabirabad RHM-nın İmişli HMS-da, Lənkəran RHM-nın Rvarud HMS-da, Şəki RHM-nın Əlibəy HMS-da və Abşeron RHM-nın Maştağa HMS-da WXT-520 tipliavtomat meteostansiyaları quraşdırılıb, komplektdə olan bütün sensorlar qoşularaq təhvil verilib. İnformasiyanın FTP serverə və stansiyalara ötürülməsi təmin edilib. Sentyabr  ayında Balakən HMS-da WXT-520 tipli avtomat meteoroloji stansiya MAWS-310 tipli müasir avtomat stansiya ilə əvəz olunub. Hazırda respublikada quraşdırılmış avtomat meteoroloji stansiyaların ümumi sayı 66-ya çatdırılıb.

Hesabat dövründə hidrometeoroloji stansiyaların (HMS) ərazisində daha 11 ədəd videogörüntü sistemi quraşdırılıb və videogörüntü qoşulmuş HMS-ların sayı 23 olub. Lənkəran RHM-nın Lerik HMS-nın meteoroloji meydançasında Hikvision tipli videogörüntü kamerası, Astara HMS, Biləsuvar HMS və Göytəpə HMS, Gəncə RHM-nın Şəmkir İGHMS, Tovuz və Göygöl (Hacıkənd) HMS-da, Abşeron RHM-nın Sumqayıt HMS-da, İsmayıllı RHM-nın Şamaxı, Göyçay və İsmayıllı HMS-nın meteoroloji meydançalarında TVT modelli İP kameraları quraşdırılaraq birbaşa videogörüntü sistemi işə salınıb. Meteoroloji meydançalardan HMS-nın kompyuterlərinə Lan kabel çəkilib, xüsusi proqram vasitəsilə videogörüntülər kompyuterlərə ötürülərək internetdə yayımlanması təmin edilib və videogörüntülər canlı olaraq mərkəzin internet saytında (innovasiontex.com) yerləşdirilib. Mərkəzin əməkdaşları bütün hidrometeoroloji stansiyalarda meteoroloqlara AWS Cliet proqramında işləmə, məlumatların avtomat stansiyalardan çəkilməsi və ötürülməsi barədə təlim keçiblər.

Hidrometeorologiya Mərkəzi (HM). Hesabat dövründə Naxçıvan MR-nın Naxçıvan HMİ-nin tabeliyində olan 6 HMS üzrə 2004, 2005, 2007-ci ilin bütün məlumatları yoxlanaraq, hidrometeoroloji məlumatların işlənməsi və sistemləşdirilməsi məqsədilə şöbələrə verilib. Sentyabr-oktyabr aylarında meteoroloji müşahidələrin aparılmasında yeni sistemin tətbiqi ilə əlaqədar meteoroloji şəbəkə və HMM-in mütəxəssisləri ilə mütəmadi kursların keçirilməsi təşkil edilib. 2016-cı ildə meteorologiya şöbəsi müxtəlif təşkilatları 177-dən çox meteoroloji məlumatlarla təmin edib. Statistika Komitəsinin sorğusu üzrə 13 HMS-nın meteoroloji məlumatları (havanın temperaturu, yağıntı, buludluq və günəşli saatların davamiyyəti) hazırlanıb.

Mərkəzdə respublika ərazisində olan aqrometeoroloji şərait və kənd təsərrüfatı bitkiləri haqqında Aqrometeoroloji icmal tərtib olunaraq Nazirliyin müvafiq aylıq məlumatlar toplusuna daxil edilib. Mart ayında Aqrometeoroloji stansiya və məntəqələrin 2014-2015-ci illər üzrə Aqrometeoroloji illik məlumat kitabçaları, Naxçıvan MR üzrə 2005-2009-cu illərin məlumatları işlənərək çap edilib. Həmçinin cari ilin yanvar-dekabr ayları ərzində Aqrometeoroloji illik kitabça üçün aqrometeoroloji məlumatların hesablanması və toplanması aparılıb.

İl ərzində Naxçıvan MR-dan daxil olan 2000-2012-ci illərin hidroloji müşahidə materialları yoxlanılaraq Dövlət Su Kadastrı şəklində çap olunub və elektron variantı hazırlanıb. Həmçinin 2014-cü ilin Dövlət Su Kadastrına aid məlumatlar yoxlanılaraq çap edilib, elektron variantı hazırlanıb. RHM-lərdən daxil olan müşahidə məlumatlarının ekspertizası yekunlaşıb.

2016-cı il ərzində 2015-ci ilin dəniz hidrometeoroloji məlumatlarını əks etdirən, Dövlət Su Kadastrının bir hissəsi olan “Dəniz illiyi” məlumatları yığılıb, çap edilib. KASPKOM (Xəzər dənizinin hidrometeorologiyası və çirklənməsinin monitorinqi üzrə Koordinasiya Komitəsi) ilə əməkdaşlıq davam etdirilib, daxil olan sorğular cavablandırılıb. Rusiyanın Dövlət Okeanoqrafiya İnstitutunun sorğusu əsasında 2016-cı ilin aprel ayında Xəzər dənizinin (2015-ci il) su balansının hesablanması məqsədilə dənizə və Kür çayının mənsəb hissəsinə aid müvafiq materiallar cədvəl şəklində hazırlanaraq təqdim edilib. İl ərzində müşahidə şəbəkəsindən daxil olan və elektron ünvana göndərilən meteoroloji müşahidə məlumatları (MK-1) yoxlanılıb və məlumatlar TMS (Meteo Stansiya Cədvəlləri) cədvəllərinə salınaraq onların keyfiyyəti qiymətləndirilib.

Beynəlxalq yayımla Ümumdünya Meteorologiya Təşkilatına (ÜMT-7 stansiya-Zaqatala, Quba, Gəncə, Göyçay, Qobustan, Binə, Lənkəran) və regional yayımla Rusiya Hidrometeorologiya Xidmətinə (RHX), o cümlədən paralel olaraq “MİTRA-TEK” proqramı ilə beynəlxalq yayıma təyinatı üzrə stansiyaların və aylıq iqlim məlumatların ötürülməsi təmin edilib. Türkiyə Dövlət Meteoroloji Xidmətinə (TDMX) isə “TÜRKMETCAP” peyk antenalı proqramı vasitəsilə gündəlik 8 müşahidə vaxtında stansiyaların (15 stansiyanın) sinoptik məlumatları ötürülüb. http://web-grmc.mecom.ru saytı ilə, paralel olaraq “MİTRA-TEK“ proqramı ilə, “TÜRKMETCAP” peyk antennalı proqramı vasitəsilə sutkalıq 8 müşahidə vaxtının (14 stansiyanın sinoptik) məlumatları Türkiyə Dövlət Meteoroloji  Xidmətinə ötürülüb.

Hesabat dövründə gursululuq dövrü üçün axım proqnozunun hazırlanması məqsədilə 4 ekspedisiya yaradılaraq, Böyük və Kiçik Qafqazda qarölçmə işləri yerinə yetirilib. Qarölçmə işləri 23 marşrut üzrə aparılıb və qarın hündürlüyü, sıxlığı, qarda olan su ehtiyatı qiymətləndirilib. Oktyabr ayında Respublikanın dağ çaylarında daşqınların izinə görə maksimal su sərflərinin təyini məqsədilə mütəxəssislər Şəki RHM-nə ezam olunublar. Hesabat dövrü ərzində 2004-2016-cı illər üzrə qarölçmə, 2012-2015-ci illər üzrə Tufandağ buzlağının tədqiqi, 2006-2015-ci illər üzrə suyun izinə görə maksimal su sərflərinin təyini, 2010-2016-cı illər üzrə nəzarət su sərflərinin ölçülməsi üzrə görülmüş işlər, hesabatlar sistemləşdirilib, arxivləşdirilməsi məqsədilə elektron variantları hazırlanıb. Kür çayının Mingəçevir su anbarından aşağıda yerləşən hidroloji məntəqələrində və Araz çayında gursululuq dövründə Kür-Yevlax, Kür-Zərdab, Kür-Surra, Kür-Salyan, Kür-Şimal Şərqi Bankə və Araz-Novruzlu hidroloji məntəqələrində Sontek ADP cihazı ilə nəzarət su sərfləri ölçülüb və hesabat şəklində hazırlanıb. O cümlədən, Ağgöl, Şirvangöl ərazisində tədqiqat işlərinin aparılması məqsədilə ekspedisiya təşkil olunub, tədqiqat işləri aparılıb və görülən işlərin nəticəsi olaraq “Hesabat” tərtib edilib.

Hesabat dövründə Mərkəzin mütəxəssisləri və Kompleks Hidrometeoroloji və Ekoloji Tədqiqat Elm Mərkəzinin əməkdaşları Şahdağ Milli Parkının yüksək dağlıq ərazisində-Tufandağ buzlaqlarında il ərzində gedən dəyişikliklər və buzlağın digər parametrləri təyin edilib.

Radiometeorologiya və Aerologiya Mərkəzi (RAM): Ağstafa, Şamaxı, Göygöl və Şəki RMS-da radiometeoroloji müşahidələr MRL-5radiolokatorunun bazasında və müvafiq proqram-texniki kompleksin tətbiqilə yaradılmış avtomatlaşdırılmış idarəetmə sisteminin (AİS-MRL) köməyilə aparılır. AİS-MRL proqram kompleksi vasitəsilə hidrometeoroloji şərait haqqında faktiki və proqnostik radiolokasiya məlumatları xüsusi fayllar və şərhlər şəklində elektron poçt ünvanlarına və ya birbaşa telefonla HPB-na çatdırılıb. Yaz-yay mövsümünün başlanması ilə əlaqədar olaraq Ağstafa, Şamaxı, Göygöl radiometeoroloji stansiyalarında AİS-MRL sistemləri yenidən sazlanaraq, işlək vəziyyətə gətirilərək müşahidələr davam etdirilib.

Ötən dövr ərzində 50-dən artıq dolu-leysan hadisəsinin, 35-dan artıq çay daşqınları və sululuğun artacağı haqqında proqnozlar hazırlanıb. Çoxillik məlumatlara əsasən stansiyada tərtib olunan proqnozların dolu hadisələri üçün özünü doğrultması 70-80 daşqınlar üçün 80-90, sel axınları üçün isə 60-70 % təşkil edib. 

Leysan mənşəli təhlükəli hidrometeoroloji hadisələr haqqında radiolokasiya məlumatlarının interpretasiyasında və gözlənilən hadisələrin proqnozlaşdırılmasında aeroloji məlumatlar xüsusi rol oynayır. Lakin ərazidə aeroloji stansiyalar çox az olduğundan, bu məqsədlə sinoptik xəritələrdən, NOAA peyk məlumatlarından və “HYSPLİT” model məlumatlarından istifadə olunur. Bu məlumatlardan istifadə olunmaqla 00C izotermin hündürlüyü və atmosferin müxtəlif təbəqələrində küləyin sürət və istiqaməti müəyyənləşdirilir.

Hidrometeorologiya Elmi-Tədqiqat İnstitutu. 2016-cı ilin təsdiq olunmuş iş plаnınа uyğun olаrаq 3 problem аltındа 4 elmi tədqiqаt işi, 4 elmi metodiki və elmi innovasiyaların və elmi texnoloji yeniliklərin tətbiqi üzrə işlər yerinə yetirilib.

İnstitutda “Gəncə-Qazax zonası çaylarının su ehtiyatlarının qiymətləndirilməsi və səmərəli istifadə metodlarının işlənilməsi” mövzusu üzrə risk altında olan su obyektlərinin müəyyən edilməsi istiqamətində son illərdə əldə edilmiş monitorinq məlumatlarına əsasən Gəncəçay, Qoşqarçay, Şəmkirçay, Zəyəmçay, Tovuzçay və Ağstafaçay hövzələrində su obyektlərinə ciddi təzyiqlər və təsirlər qiymətləndirilib və risk altında olan su obyektləri müəyyənləşdirilib. “Tufаndаğ-Şаhdаğ-Bаzаrdüzü ekosisteminin meteoroloji şərаitinin tədqiqi” mövzusu üzrə hidrometeoroloji amillər üzrə müvafiq qanunauyğunluqların aşkarlanması məqsədilə son illərin meteoroloji müşahidə məlumatları əsasında analitik, statistik və ərazi üçün çoxillik iqlim normalarının, ekstremal göstəricilərinin müqayisəli təhlili aparılıb. “Abşeron yarımadasında ekstremal iqlim şəraitinin və onun insanların sağlamlığına təsirinin qiymətləndirilməsi” mövzusu üzrə qlobal iqlim dəyişmələri fonunda ərazinin iqlim şəraitində, təbii ekosistemlərində və yaşayış mühitlərində baş verə biləcək dəyişikliklərin qiymətləndirilməsi, yaşayış mühitinin ekstremal iqlim şəraitinin və onun insanların sağlamlığına təsirinin qiymətləndirilməsi məqsədilə havanın oksigen sıxlığı, ekvivalent-effektiv temperatur, yaşayış mühiti üçün iqlimin  “konfortluq” dərəcəsi, yaşayış mühitinin soyuqluq stresi indeksi, yay gündüzləri, tropik gecələr, ən qızmar gün, ən qızmar gecə, qızmar hava dalğasının davamiyyəti indeksi hesablanıb. Bu göstəricilərin qiymətləndirilməsi üçün müvafiq hesablama sxemlərinin strukturu seçilib, Pirallahı adası, Çilov adası və Neft Daşları hidrometeoroloji stansiyalarının 1991-2015-ci illər üzrə məlumatlar bazası yaradılıb.

İnstitutun direktorunun Hidrometeorologiya sahəsində “Метеорология и Гидрология” jurnalında “Rегиональные климатические изменения и речной сток в Aзербайджане”, “Водные ресурсы” jurnalında isə “Global Climate Change and its Impact on Hydrometeorological Condition in Azerbaijan” adlı məqalələri nəşr olunub. İnstitutun digər əməkdaşlarının, doktorant və dissertantlarının müxtəlif konfrans materiallarında 6 məqalə və tezisləri çap edilib. 

İqlim Dəyişmələri və Ozon Mərkəzi (İDOM): İqlim Dəyişmələri və Ozon Mərkəzində (İDOM) hesabat dövründə İqlim Dəyişmələri üzrə Uzunmüddətli Paris Razılaşmasının mətni müzakirə olunmuş, Azərbaycan Respublikasının BMT-nin İqlim Dəyişmələri üzrə Çərçivə Konvensiyasının Paris Razılaşması ratifikasiya olunana qədər tədbirlər planı hazırlanmış və Nazirliyin müvafiq qurumlarına təqdim olunmuşdur. Uzunmüddətli İqlim Razılaşması çərçivəsində yeni mexanizmlər üzrə mütəxəssislərin biliklərinin artırılması məqsədilə Mərkəzin mütəxəssisləri Azərbaycan Dövlət Neft Şirkətinin təşkil etdiyi  “Azərbaycanın yanacaq və enerji istehlakı sektorunda karbon emissiyalarının azaldılmasını təmin edən Milli Fəaliyyətlər Planı” (NAMA) layihəsinin təqdimat mərasimində, Keniyanın paytaxtı Nairobi şəhərində keçirilən İqlim Dəyişmələri üzrə Hökumətlərarası Ekspertlər Qrupunun (IPCC) 43-cü plenar sessiyasında, Gürcüstanın Tbilisi şəhərində Ətraf Mühit və Təhlükəsizlik (ENVSEC) təşkilatının təşkil etdiyi “Cənubi Qafqazda iqlim dəyişikliyi və təhlükəsizliyi üzrə regional məsləhətləşmə tədbiri”ndə, Slovakiyanın Bratislava şəhərində İqlim-Şərq proqramı çərçivəsində İqlim Dəyişmələri üzrə Çərçivə Konvensiyası üzrə təşkil olunan beynəlxalq seminarda, Qazaxıstanın Astana şəhərində Qlobal Ekologiya Fondunun (GEF) təşkil etdiyi Treninq-seminarda, Moldovanın Kişinyov şəhərində UNDP-UNEP və Moldova Rrespublikası tərəfindən birgə təşkil olunmuş Şərqi Avropa, Qafqaz və Mərkəzi Asiya ölkələrinin NAP Regional seminarında iştirak ediblər.

2013-2014-cü illər üzrə istilik effekti yaradan qazların müasir metodologiya əsasında inventarlaşdırılması məqsədi ilə statistik məlumatların toplanması və təhlili davam etdirilib, bu qazların 1990-2014-cü illər üçün hazırlanmış kadastrı əsasında müvafiq indikatorlar seçilib və hesablama üsulları təhlil edilib. Seçilmiş indikatorlar üzrə trendlər hazırlanıb.

1986-2015-ci illər üzrə hidrometeoroloji parametrlərin 30 illik məlumatlarının Azərbaycanın rayonlarında İqlim Bazasına nəzərən dəyişmə dinamikasının təhlili üçün aylıq və illik standart normaların hesablanması metodikasının hazırlanmasına və İqlim Dəyişmələrinə dair Elektron məlumat bazasından müvafiq məlumatların seçilməsinə başlanılıb. Ozondağıdıcı maddələrin idxalı, ixracı və istifadəsi ilə məşğul olan təşkilatların müəyyənləşdirilməsi üçün bu maddələr haqqında 2015-ci ilin məlumatları Nazirliyin müvafiq qurumlarına təqdim edilib.

Son illərin İqlim Dəyişmələrinə dair Elektron məlumat bazasından müvafiq məlumatlar seçilib və stansiyaların məlumatlarına əsasən beynəlxalq məlumat bazasındakı temperatur və yağıntı məlumatları korrektə edilib.

Baş Aviameteorologiya Mərkəzi (BAM): Baş Aviameteorologiya Mərkəzinin Binə və Gəncə AMM-də, Zabrat AMS-da hidrometeoroloji müşahidələrin mövcud təlimata uyğun aparılması, operativ məlumatların müvafiq kod əsasında Hidrometeorologiya Mərkəzinə otürülməsi təşkil edilib.

Hesabat dövründə Qazıməmməd, Ağstafa və Beyləqan AMS-dan Azərbaycan Respublikası Ekologiya və Təbii Sərvətlər Nazirliyi Milli Hidrometeorologiya Departamentinin Müdafiə Nazirliyi Hərbi Hava Qüvvələri ilə birgə təsdiq etdiyi saziş əsasında informasiya mübadiləsi aparılıb.

Kompleks Hidrometeoroloji və Ekoloji Tədqiqat Elm Mərkəzi: Hesabat dövründə Kompleks Hidrometeoroloji və Ekoloji Tədqiqat Elm Mərkəzində iş planı və müşahidə plan-proqramına uyğun olaraq Tufandağ-Şahdağ ərazisində meteoroloji müşahidələr, Şahnabad və Mahmuddərə çaylarında hidroloji müşahidələr aparılıb. Mahmudçay hidroloji məntəqəsində çayın məcrasının dəyişməsi səbəbindən səviyyəölçən tamasa kənarda qaldığı üçün tamasanın yeri mütəxəssislər tərəfindən dəyişdirilib. 

Regional Hidrometeorologiya Müəssisələri (RHM): İl ərzində MHD-nın tərkibində olan 10 Regional Hidrometeorologiya Müəssisəsi öz fəaliyyətlərini Nazirlik tərəfindən təsdiq olunmuş müşahidə və iş plan-proqramlarına uyğun olaraq həyata keçirib.

11 yeni videokamera və yeni alınmış 30 ədəd avtomat meteoroloji stansiyalar quraşdırılıb.

Ötən ilin noyabr-dekabr aylarında departamentin mütəxəssisləri RHM-nın meteoroloqlarına avtomat stansiyalarda AWS Cliet proqramının işləmə prinsipini, məlumatların avtomat stansiyalardan çəkilməsi və MHD-yə göndərilməsi barədə təlim keçiblər.