Saytın Xəritəsi

Görülən işlər

2016-cı il ərzində ətraf mühitin mühafizəsi sahəsində görülmüş işlər

Ekologiya və Təbii Sərvətlər Nazirliyinin ətraf mühitin mühafizəsini həyata keçirən qurumları tərəfindən 2016-cı il ərzində hüquqi və fiziki şəxslər tərəfindən yol verilən qanun pozuntularına görə 2215 akt və 794 protokol tərtib olunub, aşkar edilən nöqsanların aradan qaldırılması üçün icrası məcburi olan 641 müddətli  “məcburi göstəriş” verilib. 

Ümumilikdə 773 iş üzrə təqsirkarlar 883730 manat məbləğində inzibati qaydada cərimə olunub, ətraf mühitə dəyən ziyana görə 413 iş üzrə 585120,7 manat məbləğində iddia qaldırılıb, ətraf mühitə tullantıların atılmasına və axıdılmasına görə hüquqi və fiziki şəxslərə qarşı 4989 iş üzrə 1157778,69 manat məbləğində ödəmə tətbiq edilib. Tədbir görülməsi üçün hüquq mühafizə orqanlarına göndərilən 425 işdən 232-nə, icra qruplarına göndərilən 434 işdən 215-nə, məhkəmələrə göndərilən 191 işdən 56-na baxılıb. Qalan işlər isə hazırda icraatdadır.

Su ehtiyatlarının mühafizəsi üzrə 191 akt və 104 protokol tərtib olunub, müəyyən edilən nöqsanların aradan qaldırılması üçün icrası məcburi olan 208 müddətli “məcburi göstəriş” verilib. 104 iş üzrə 91610 manat məbləğində cərimə, ətraf mühitə dəyən ziyana görə 2 iş üzrə 5206,48 manat məbləğində iddia qaldırılıb, 873 iş üzrə 432697,5 manat məbləğində ödəmə tətbiq edilib. Hüquq mühafizə orqanlarına göndərilən 12 işdən 1-nə, icra qruplarına göndərilən 56 işdən 24-nə və məhkəmələrə göndərilən 12 işdən 2-nə baxılaraq müvafiq tədbirlər görülüb.

Atmosfer havasının mühafizəsi üzrə  120 akt və 51 protokol tərtib olunub, müəyyən edilən nöqsanların aradan qaldırılması üçün icrası məcburi olan 24 müddətli “məcburi göstəriş” verilib. 59 iş üzrə 42500 manat məbləğində cərimə, ətraf mühitə dəyən ziyana görə 1 iş üzrə 1200 manat məbləğində iddia qaldırılıb, 1386 iş üzrə 329620,46 manat məbləğində ödəmə tətbiq edilib. İcra qruplarına göndərilən 29 işdən 16-na, hüquq mühafizə orqanlarına göndərilən 10 işdən 5-nə və məhkəmələrə göndərilən 2 işdən 1-nə baxılaraq müvafiq tədbir görülüb.

Torpağın mühafizəsi üzrə 131 akt və 32 protokol tərtib olunub, müəyyən edilən nöqsanların aradan qaldırılması üçün icrası məcburi olan 26 müddətli “məcburi göstəriş” verilib. 34 iş üzrə 13800 manat məbləğində cərimə tətbiq edilib, ətraf mühitə dəyən ziyana görə 18 iş üzrə 68692,8 manat məbləğində iddia qaldırılıb və 309 iş üzrə 32609,8 manat məbləğində ödəmə tətbiq olunub. Hüquq mühafizə orqanlarına göndərilən 5 işdən 2-nə, icra qruplarına göndərilən 18 işdən 9-na və məhkəmələrə göndərilən 5 işdən 1-nə baxılaraq müvafiq tədbir görülüb. 

Yerin təkinin mühafizəsi üzrə 53 akt və 8 protokol tərtib olunub, müəyyən edilən nöqsanların aradan qaldırılması üçün icrası məcburi olan 8 müddətli “məcburi göstəriş” verilib. 15 iş üzrə 8600 manat məbləğində cərimə tətbiq edilib, ətraf mühitə dəyən ziyana görə 27 iş üzrə 426198,5 manat məbləğində iddia qaldırılıb və 24 iş üzrə 6380 manat məbləğində ödəmə tətbiq olunub. Hüquq mühafizə orqanlarına göndərilən 15 işdən 10-na, icra qruplarına göndərilən 10 işdən 8-nə və məhkəmələrə göndərilən 20 işdən 2-nə baxılaraq müvafiq tədbir görülüb.

Məişət tullantılarının mühafizəsi üzrə 453 akt və 248 protokol tərtib olunub, müəyyən edilən nöqsanların aradan qaldırılması üçün icrası məcburi olan 291 müddətli “məcburi göstəriş” verilib. Qanun pozuntusuna yol verdiklərinə görə hüquqi və fiziki şəxslərə qarşı ümumilikdə 223 iş üzrə 203770 manat məbləğində cərimə, 928 iş üzrə isə 134967,07 manat məbləğində ödəmə tətbiq edilib. Tədbir görülməsi üçün hüquq mühafizə orqanlarına göndərilmiş 108 işdən 91-nə, icra qruplarına göndərilmiş 145 işdən 41-nə və məhkəmələrə göndərilən 15 işdən 5-nə baxılıb.

İstehsalat tullantılarının mühafizəsi üzrə 56 akt və 16 protokol tərtib olunub, müəyyən edilmiş nöqsanların aradan qaldırılması üçün icrası məcburi olan 27 müddətli “məcburi göstəriş” verilib. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 16 iş üzrə 24300 manat məbləğində cərimə, 796 iş üzrə isə 201765,7 manat məbləğində ödəmə tətbiq edilib. Tədbir görülməsi üçün hüquq mühafizə orqanlarına göndərilən 7 işdən 2-nə, icra qruplarına göndərilmiş 12 işdən    11-nə və məhkəmələrə göndərilən 9 işdən 4-nə baxılıb.

Floranın mühafizəsi üzrə (meşə) 207 akt və 28 protokol tərtib olunub, müəyyən edilən nöqsanların aradan qaldırılması üçün icrası məcburi olan 4 müddətli “məcburi göstəriş” verilib. Qanun pozuntusuna yol verdiklərinə görə hüquqi və fiziki şəxslərə qarşı ümumilikdə 24 iş üzrə 14450 manat məbləğində cərimə tətbiq edilib, ətraf mühitə dəyən ziyanla bağlı 84 iş üzrə 6901,1 manat məbləğində iddia qaldırılıb. Hüquq mühafizə orqanlarına göndərilən 3 işdən 1-nə, icra qruplarına göndərilmiş 11 iş və əvvəlki illərdən qalan 1 iş də daxil olmaqla 12 işə baxılaraq müvafiq tədbirlər görülüb.

Floranın mühafizəsi üzrə (yaşıllıq) 776 akt və 171 protokol tərtib olunub, müəyyən edilən nöqsanların aradan qaldırılması üçün icrası məcburi olan 51 müddətli “məcburi göstəriş” verilib. Qanun pozuntusuna yol verdiklərinə görə hüquqi və fiziki şəxslərə qarşı ümumilikdə 184 iş üzrə 355400 manat məbləğində cərimə tətbiq edilib, ətraf mühitə dəyən ziyanla bağlı 99 iş üzrə 35289,22 manat məbləğində iddia qaldırılıb. Hüquq mühafizə orqanlarına göndərilən 224 işdən 102-nə, icra qruplarına göndərilən 111 işdən 69-na və məhkəmələrə göndərilən 30 işdən 14-nə baxılaraq müvafiq tədbir görülüb.

Fauna ehtiyatlarının mühafizəsi üzrə 66 akt və 111 protokol tərtib olunub. Qanun pozuntusuna yol verdiklərinə görə hüquqi və fiziki şəxslərə qarşı ümumilikdə 112 iş üzrə 123600 manat məbləğində cərimə tətbiq edilib, ətraf mühitə dəyən ziyanla bağlı 93 iş üzrə 915,6 manat məbləğində iddia qaldırılıb və 673 iş üzrə 19738,19 manat məbləğində ödəmə tətbiq edilib. Tədbir görülməsi üçün hüquq mühafizə orqanlarına göndərilən 23 işdən 9-na, icra qruplarına göndərilən 42 işdən 25-nə və məhkəmələrə göndərilən 10 işdən 3-nə baxılıb.

Balıq ehtiyatlarının mühafizəsi üzrə 162 akt və 25 protokol tərtib olunub, müəyyən edilən nöqsanların aradan qaldırılması üçün icrası məcburi olan 2 müddətli “məcburi göstəriş” verilib. Qanun pozuntusuna yol verdiklərinə görə hüquqi və fiziki şəxslərə qarşı ümumilikdə 2 iş üzrə 5700 manat məbləğində cərimə tətbiq edilib, ətraf mühitə dəyən ziyanla bağlı 89 iş üzrə 40717 manat məbləğində iddia qaldırılıb. Hüquq mühafizə orqanlarına göndərilən 18 işdən 9-na və məhkəmələrə göndərilən 88 işdən 24-nə baxılaraq müvafiq tədbir görülüb.